Më 19 maj 2020, Shkolla e Magjistraturës në bashkëpunim me EURALIUS dhe Projektin Italian AICS/ CSM organizuan një trajnim me temë: ‘Papërdorshmëria e provave në procesin penal:
Këndvështrim krahasues me doktrinën dhe jurisprudencën e huaj’. Gjatë trajnimit, Eksperti i EURALIUS dhe Projektit Italian AICS/CSM mbajti një prezantim mbi përvojën ndërkombëtare dhe italiane mbi papërdorshmërinë e provave. Ky trajnim u realizua në kuadër të asistencës që EURALIUS i jep Shkollës së Magjistraturave në lidhje me trajnimin vazhdues.
Trajnimi u zhvillua online dhe morën pjesë 20 magjistratë që treguan interes të lartë për temën dhe morën pjesë gjerësisht në diskutime.
